Ni byiza kuba mwahisemo urubuga mu Itumanaho (Website) rw'Akarere ka Rusizi. Uru rubuga rwashyiriweho kugira ngo dusangire ijambo kandi twungurane ibitekerezo namwe.

Ubwo ni bwo buryo abaturage b'iyi si dutuye bahisemo kugira ngo bahindure imibereho yabo muri iki gihe tugezemo. Aho gukomeza imibanire y'abakurambere babo yashingiraga ku moko, ibara ry'uruhu, idini, aho batuye, n'ibindi... Ku iyi si yacu itumanaho rifite uruhare ndasubirwaho mu mibanire y'abayituye, ryabaye ihuriro bakoresha mu bucuruzi, no yindi mibereho inyuranye yabo ya buri munsi.

Mu myaka icumi ishize, igihugu cyacu cyafashe inzira iboneye ubwo cyahitagamo icyerekezo 2020 (Vision 2020) cyashatse ko imikorere ya kera ihinduka maze iy'ubu igashingira ku matwara mashya y'imiyoborere myiza ishingiye ku kuba kabuhariwe mu ruhando rw'itumanaho. Mu myaka icumi ishize bamwe bumvaga ko ari inzozi. Ubu umunyarwanda umwe ku icumi (1/10) afite telefone igendanwa (Mobile) adakoresha gusa mu gutelefona, ahubwo ashobora no kuyikoresha mu kubara (calculator), kwohereza ubutumwa−nyandiko bugufi (SMS), gufata amafoto ndetse agakoreshe na Interineti.

Ubu u Rwanda rwarakataje mu rubuga rw'iterambere mu itumanaho. Aho uri hose mu gihugu ushobora kubona umurongo wa interineti kandi yihuta rwose; waba uri mu ishyamba rwagati, hejuru ku misozi cyangwa se hagati mu mazi.

Muri icyo cyerekezo hakomeje ibikorwa byo gukwirakwiza ibikorwa−remezo nko gushyiraho (fiber optic) yahuranya igihugu cyose, kubaka za (Telecentres) no kwigisha no gusobanurira abaturage uko bikoreshwa. Ni uko u Rwanda rwitegure guhagana n 'ibindindiza amajyambere muri iki kinyejana.

Akarere ka Rusizi rero si twe twacikanwa mu majyambere n'ibyiza by'Icyerekezo 2020, turizeza rwose abayobozi bakuru b'igihugu cyacu ko tubari inyuma mu Cyerekezo 2020.

Uko mugenda mwisomera amakuru y'uru rubuga rwacu ntimwibagirwe gukirika (to clik) ahanditse IHURIRO (Forum) maze mwiganirire n'umuyobozi w'Akarere kacu (Mayor). Mushobora kumugezaho ibitekerezo cyangwa ibyifuzo byanyu mu kilika Ahanditse "(Soma Mail)" bityo tukarushaho gusabana.

Twongeye kubashimira umwanya mwaduhaye mwisomera Urubuga rw'Akarere kacu.