Mu rwego rwo gukomeza kwibuka ku ncuro ya 32 jenoside yakorewe abatutsi no gukomeza guteza imbere ubumwe n’ubudaheranwa mu banyarwanda; Akarere ka Rusizi ku bufatanye n’ishyirahamwe ry’umukino w’amagare mu Rwanda (Ferwacy) kateguye isiganwa ku magare  ry’iminsi ibiri ryiswe Race to remember. Iri rika ari isiganwa ngarukamwaka ariko kuri iyi ncuro ryakorewe mu karere ka Rusizi.

Iri siganwa ryatangiye ku itariki ya 25 Mata 2026 ari nawo munsi wa 1 ryahuje abakinnyi b’amagare bo mu byiciro bitandukanye . Icyiciro cy’abagabo bakuru (Men Elite/U23) cyahagurutse i Karongi berekeza i Rusizi km 119, kikaba cyatangijwe ku mugaragaro n’Umuyobozi w’Akarere ka Rusizi, Phanuel SINDAYIHEBA. Icyiciro cy’abagabo bato (Men Junior) n’abagore bakuru (Women Elite) cyahagurutse i Mugonero, ku mupaka wa Karongi na Nyamasheke, naho icy’abagore gitangirizwa ku Buhinga mu karere ka Nyamasheke bose basoreza  mu mujyi wa Rusizi ku Isoko rya Kamembe

Ku munsi wa 2 tariki ya 26 Mata 2026 isiganwa rizenguruka mu mujyi wa Rusizi ryabimburiwe n’igikorwa cyo kunamira inzirakarengane zazize jenoside yakorewe abatutsi mu 1994 zishyinguye mu rwibutso rwa Kamembe. Iki kikaba ari igikorwa cyitabiriwe n’abayobozo baba ab’Akarere ka Rusizi ,abayobozi ba Ferwacy,abatoza ndetse n’abakinnyi b’amagare.

Nyuma hakuriyeho isiganwa ry’amagare ry’amagare mu mujyi wa Rusizi. Muri iri siganwa hagarutswe ku butumwa bukomeza gukangurira abanyarwanda bose n’abanyarusizi by’umwihariko gukomeza kurwanya ingangabitekerezo ya Jenoside aho yaturuka hose 

Mu bagabo  :

  1.Nsengiyumva Shemu   2.Nkundabera Eric (Les Amis)  3.Patrick Byukusenge (Java Inovotec) 

Mu bagore : 

  1.Ingabire Diane 2. Iragena Charlotte (Ndabaga CT)  3. Mariatha Byukusenge (Sina Cycling Team) 

 mu cyiciro cy'abangavu 

1.Masengesho  Yvonne   2.  Kanyange Emelyne (Bugesera CT)   3. Akimana Donatha (Ngarama Cycling Academy) 

  Mu cyiciro cy’ingimbi: 1Nkurikiyinka Jackson w'lkipe ya Benediction Club,   2. Ganza Prince Fagurson (Kayonza CT), 3.Pacifique Byusa (Les Amis) 

Abagore bari munsi y’imyaka 23: 

  1. Mariatha Byukusenge (Sina Cycling Team)  2.  Irakoze Denyse (Ngarama CYCLING Academy) 

3.  Iragena Charlotte (Ndabaga CT) 

  Abagabo bo munsi y’imyaka 23: 

1.  Manizabayo Jean de Dieu (Sina Cycling Team)  2.  Tuyizere Hashim (Team Amani)  3.Mushinzimana Jean Bosco (Les Amis) 

Mu gusoza umuyobozi w'Akarere SINDAYIHEBA Phanuel yashimiye abitabiriye  iri rushanwa ryo kwibuka ku ncuro ya 32 Jenoside yakorewe Abatutsi .Asaba buri wese gukomera ku bunyarwanda, gukomeza kurwanya ingengabitekerezo ya  Jenoside no kutayiceceka kuko  isenya. Kuzirikana ko u Rwanda ruzira Jenoside ari amahitamo y’abanyarwanda kandi ko Ndi Umunyarwanda ari Amahitamo y’abanyarwanda bakomeyeho. Yasabye nanone urubyiruko, kumenya ukuri. No Kwitandukanye n'abahakana n'abapfobya Jenoside yakorewe abatutsi mu 1994.

Abaturage b’Akarere ka Rusizi bishimiye iri rushanwa bavuga ko ari undi mwanya babonye binyuze muri siporo wo gukomeza kwibutsa no kwiyemeza gukomera ku mahame y’ubumwe n’ubudaheranwa by’abanyarwanda muri iki kigihe cy’iminsi ijano yo kwibuka ku ncuro ya 32 Jenoside yakorewe abatutsi n’igihe cyose,