RUSIZI-ABAREZI BAHISHUYE ICYABA UMUTI WO KURWANYA IBIYOBYABWENGE
Abagize urwego rw’uburezi mu karere ka Rusizi barasaba ko mu nteganyanyigisho y’amasomo yigishwa mu mashuri hashyirwamo isomo ku kurwanya ibiyobyabwenge mu rwego rwo kurushaho kubirandura burundu.Ni mu biganiro abagize itsinda ry’urwego ry’igihugu rishinzwe kurwanya ibiyobyabwenge bagiranye n’abafatanyabikorwa b’akarere ka Rusizi ku kurwanya ibiyobyabwenge kuri uyu wa gatanu tariki ya 27 Mata 2018 mu cyumba cy’inama cy’Akarere ka Rusizi. Iri tsinda rikaba rigizwe na Bwana KABERA Paul umukozi muri RGB, Padiri MUNYANGAJU L?onard na Shehe MBARUSHIMANA Suleiman.
Abari bitabiriye ibi biganiro bagejejweho uko isura y’ibiyobyabwenge mu gihugu n’icyerekezo cy’igihugu mu ku birwanya.
Mu kungurana ibitekerezo, by’umwihariko abari mu rwego rw’uburezi bagaragaje ko kurwanya ibiyobyabwenge byagakwiye no kongerwa mu masomo bigisha abanyeshuri.
Tuyishime Valens umuyobozi wa Groupe Scolaire Gihundwe mu karere ka Rusizi asobanura ko amashuri ari umuyoboro mwiza wo gucishamo inyigisho zo kurwanya ibiyobyabwenge hakaba hakenewe ko mu gutegura amasomo atangwa mu mashuri nabyo byatekerezwaho abarezi nabo bakabihugurirwa bihagije.
Umuyobozi w’Akarere Wungirije ushinzwe imibereho myiza y’abaturage mu karere ka Rusizi bwana Nsigaye Emmanuel yavuze ko iki gitekerezo kizakorerwa ubuvugizi mu nzego zibishinzwe kuko ari kimwe mu byafasha mu kurandura iki kibazo cyugarije urubyiruko
Naho Kabera Paul Umukozi w’urwego rw’igihugu rw’imiyoborere RGB ushinzwe kugenzura amadini, amatorero n’amashyaka akaba ari no mu itsinda ry’igihugu ryashyizweho rishinzwe kurwanya ibiyobyabwenge avuga ko ku bufatanye n’inzego zitandukanye harimo na za Minisiteri, ko kurwanya ibiyobyabwenge bigiye gushyirwamo imbaraga kugira ngo iki kibazo gikemuke inzego zose zibigizemo uruhare
Ibiyobyabwenge byiganjemo urumogi bigaragara muri rumwe mu rubyiruko harimo ndetse n’ururi mu mashuri no mu bantu bakuze kandi bikaba bikomeje kwiyongera aho hari abasabitswe n’inzoga z’inkorano n’izindi zibayobya ubwenge ibi bikaba ari bimwe mu bidindiza iterambere n’imibereho myiza y’abaturage.
Back
Naho Kabera Paul Umukozi w’urwego rw’igihugu rw’imiyoborere RGB ushinzwe kugenzura amadini, amatorero n’amashyaka akaba ari no mu itsinda ry’igihugu ryashyizweho rishinzwe kurwanya ibiyobyabwenge avuga ko ku bufatanye n’inzego zitandukanye harimo na za Minisiteri, ko kurwanya ibiyobyabwenge bigiye gushyirwamo imbaraga kugira ngo iki kibazo gikemuke inzego zose zibigizemo uruhare
Ibiyobyabwenge byiganjemo urumogi bigaragara muri rumwe mu rubyiruko harimo ndetse n’ururi mu mashuri no mu bantu bakuze kandi bikaba bikomeje kwiyongera aho hari abasabitswe n’inzoga z’inkorano n’izindi zibayobya ubwenge ibi bikaba ari bimwe mu bidindiza iterambere n’imibereho myiza y’abaturage.