Ku itariki ya 04 Nyakanga 2022 uko mu gihugu hose hizijwe umunsi ngarukamwaka wo kwibohora. Mu karere ka rusizi kimwe n’ahandi mu gihugu uyu munsi wizihizanyijwe ibyishimo aho abaturage bo mu karere ka rusizi batashye ibikorwa binyuranye byagezweho.

Uyu munsi ku rwego rw’akarere wizihirijwe mu murenge wa Nzahaha ahatashywe ibikorwa birimo amashanyarazi yagejejwe ku baturage batari bayafite, inzu zubakiwe abarokotse jenoside ndetse n’ibiro by’Akagari ka Butambamo abaturage biyubakiye.

Mu birori bihimbaje abaturage bagaragaje akanyamuneza ndetse no kunyurwa n’iyi sabukuru ya 28 yo kwibohora. Muri ibi birori abaturage bashimiye perezida wa repubulika y’uRwanda ku buryo adahwema kubitaho abashakira imibereho myiza.

Mu ijambo rye umuyobozi w’Akarere Dr. KIBIRIGA Anicet yagarutse ku gushimira Nyakubahwa perezi wa Repubulika,asaba abaturage gukomeza guharanira kwiteza imbere no gukomeza gusigasira ibyagezweho.