RUSIZI,ABADEPITE BARASHIMA UKO IMISHINGA Y’ITERAMBERE YIHUTISHWA
Itsinda ry’Abadepite bo mu nteko ishinga amategeko umutwe w’abadepite kuva ku wa mbere tariki ya 15 Mutarama 2017 riri mu ruzinduko rw’akazi mu karere ka Rusizi mu ntara y’Uburengerazuba aho biteganyijwe ko bazamara icyumweru basura abaturage mu tugari tunyuranye tw’Akarere.
Nk’uko biri kuri gahunda yabo,uru ruzinduko rw’iminsi 7 ruri mu rwego rwo gukurikirana ishyirwa mu bikorwa ry’imishinga iteganyijwe mu ngengo y’imari ya 2017-2018,kumenya uruhare rw’abaturage mu bibakorerwa,isuku ,imirire myiza ndetse n’imiturire.
Ku munsi wa mbere w’uru ruzinduko,abagize inteko ishinga amategeko bagaragarijwe isura y’Akarere mu bikorwa bitandukanye byo guteza imbere imibereho myiza. Naho ku munsi wa kabiri bigabanyijemo amatsinda atandukanye maze basura imishinga imishinga y’amajyambere ndetse n’abaturage mu tugari tunyuranye bareba uko abaturage bagira uruhare mu bibakorerwa. Itsinda rya Vice perezida w’Inteko Perezida w’Inteko Ishinga Amategeko Hon Mukama Abbas,mbere y’uko ryerekeza mu murenge wa Mururu na Kamembe basura abaturage babanje gusura imishinga ibiri minini ari yo Hoteli Kivu Marina Bay,ndetse n’Isoko riri kubakwa mu mujyi wa Rusizi.
Kuri iyi mishanga iri mu minini Akarere gakurikiranye,Visi Perezida w’Inteko Ishinga Amategeko yashimye imikoranire hagati y’akarere n’abikorera avuga ko ari byo biri gutanga uyu musaruro. Mu biganiro n’abaturage bagize utugari haba Kabahinda yo mu Murenge wa Mururu ndetse na Kamashangi na Gihundwe two muri Kamembe Hon Vice perezida w’Inteko yibukije abaturage gukomeza kujyana n’iterambere ryihuta,abasa gukomeza kurandura ibiyobyabwenge bigaragara ko biri kwangiza abanyarwanda ndetse n’urubyiruko by’umwihariko. Yakomeje kandi abibutsa kurangwa n’umuco w’isuku no gukura amaboko mu mifuka bagashishikarira gukora kuko abanyarwanda bagomba guharanira kwigira no kwihesha agaciro.
Abadepite bakomeje gushimira akarere ka Rusizi uburyo kari kwihutisha gahunda zigamije imibereho myiza y’abaturage kandi hakanitabwa kuri gahunda zihindura isura y’umujyi wa Rusizi nk’umujyi wunganiri uwa Kigali.
Back
Ku munsi wa mbere w’uru ruzinduko,abagize inteko ishinga amategeko bagaragarijwe isura y’Akarere mu bikorwa bitandukanye byo guteza imbere imibereho myiza. Naho ku munsi wa kabiri bigabanyijemo amatsinda atandukanye maze basura imishinga imishinga y’amajyambere ndetse n’abaturage mu tugari tunyuranye bareba uko abaturage bagira uruhare mu bibakorerwa. Itsinda rya Vice perezida w’Inteko Perezida w’Inteko Ishinga Amategeko Hon Mukama Abbas,mbere y’uko ryerekeza mu murenge wa Mururu na Kamembe basura abaturage babanje gusura imishinga ibiri minini ari yo Hoteli Kivu Marina Bay,ndetse n’Isoko riri kubakwa mu mujyi wa Rusizi.
Kuri iyi mishanga iri mu minini Akarere gakurikiranye,Visi Perezida w’Inteko Ishinga Amategeko yashimye imikoranire hagati y’akarere n’abikorera avuga ko ari byo biri gutanga uyu musaruro. Mu biganiro n’abaturage bagize utugari haba Kabahinda yo mu Murenge wa Mururu ndetse na Kamashangi na Gihundwe two muri Kamembe Hon Vice perezida w’Inteko yibukije abaturage gukomeza kujyana n’iterambere ryihuta,abasa gukomeza kurandura ibiyobyabwenge bigaragara ko biri kwangiza abanyarwanda ndetse n’urubyiruko by’umwihariko. Yakomeje kandi abibutsa kurangwa n’umuco w’isuku no gukura amaboko mu mifuka bagashishikarira gukora kuko abanyarwanda bagomba guharanira kwigira no kwihesha agaciro.
Abadepite bakomeje gushimira akarere ka Rusizi uburyo kari kwihutisha gahunda zigamije imibereho myiza y’abaturage kandi hakanitabwa kuri gahunda zihindura isura y’umujyi wa Rusizi nk’umujyi wunganiri uwa Kigali.