Muri gahunda y’imiyoborere n’iterambere bigizwemo uruhare na buri wese Akarere ka Rusizikashyizeho  gahunda ya “Tujyanemo”

Muri uwo mujyo kuri uyu wa 02 Ukwakira 2022,mu cyumba cy’inama cy’umujyi wa Kigali,ubuyobozi bw’Akarere ka Rusizi bwagiranye inama nyunguranabitekerezo ku iterambere ry’Akarere n’abanyarusizi batuye cyangwa bakorera mu mujyi wa Kigali. Muri iyi nama abayitabiriwe bagaragarijwe ishusho y’uko Akarere gahagaze mu mihigo iteza baturage imbere n’uko kitwaye mu mihigo yashize ndetse n’icyerekezo cy’iterambere ry’umujyi wa Rusizi binyuze muri gahunda ya “Tujyanemo”.

Guverineri w’intara y’iburengerazuba bwana HABITEGEKO Francois  nawe wari witabiriye iyi nama yasabye aba banyarusizi batuye mu mujyi wa Kigali  kugira uruhare mu iterambere ry’Akarere aho bashobora gushora immari mu bintu binyuranye haba mu bworozi ndetse no mu kwishyira hamwe hakorwa uruganda rw’ibiryo by’amatungo bityo bikaba byatuma hiyongera amatungo agemurwa ku isoko ryagutse riboneka mu baturanyi b’akarere. Yanabasabye kurushaho kwishyira hamwe hagamijwe kugira uruhare mu gukemura ibibazo no guharanira iterambere ry’imibereho myiza.

Minisitiri w’ubutegetsi b’igihugu GATABAZI Jean Marie Vianney wari umushyitsi mukuru aba n’imboni y’Akarere ka Rusizi muri Guverinema yashimiye abayitabiriye ababwira ko kuba bashoboye guhura ari igikorwa cy’ingirakamaro maze abasaba kutibagirwa iwabo ahubwo bakamenya ko iterambere ryaho agizemo uruhare ari ishema n’icyubahiro byabo.

Abari bitabiriye inama banyuzwe n’iki gikorwa cyo kubasura bakerekwa isura y’Akarere maze biyemeza kugira uruhare rutaziguye mu iterambere ry’akarere bavukamo.