Serivisi zitangirwa mu Ishami ry' uburezi

Serivisi fatizo zitangirwa mu ishami ry' uburezi

Amakuru ku byo abanyeshuri bungukiye muri gahunda nzamurabushobozi mu Karere ka Rusizi mu mwaka w’amashuri 2024/2025.

Mu karere ka Rusizi kimwe n’ahandi hose mu gihugu , abanyeshuri bose batabashije gutsinda neza ngo bimuke mu mashuri abanza bateguriwe gahunda nzamurabushobozi yateguwe na Miniisiteri y’uburezi ku bufanye n’ikigo cy’igihugu gishinzwe guteza imbere uburezi bw’ibanze (REB).  Mu karere ka Rusizi hashingiwe ku makuru yakusanyijwe mu bigo byamashuri byose bigaragara ko mu mashuri abanza abana bigamo ari ibihumbi ijana na cumin a kimwe Magana ane na cumin a batanu (111,415) , muri abagera ku bihumbi 80,825 banga na 72.54 %  ni bo bimutse umwaka w’amashuri 2024/2025 urangiye naho abana ibihumbi mirongo itatu Magana atanu mirongo icyenda , ntibabashije gutsinda neza arinabyo byatumye bakomeza kwitabira gahunda nzamurabushobozi yateguwe na Minisiteri y’uburezi mu biruhuko kuva 20/07/2025 kugeza 25/08/2025  .

Izi ni intego nyamukuru za gahunda nzamurabushobozi mu Karere kacu ka Rusizi ndetse no mu gihugu muri Rusange:

  1. Gahunda Nzamurabushobozi (Remedial Learning Program):
    Iyi gahunda igamije gufasha abanyeshuri bafite intege nke mu myigire, binyuze mu kongera ibikoresho byifashishwa mu myigire, guhugura abarimu, no gushyiraho uburyo bwo gukurikirana abanyeshuri bafite ibibazo mu masomo.
  2. Ubushobozi bwo gufasha abana mu myigire:
    Minisitiri w’Uburezi yashyizeho uburyo bwo guhuza ababyeyi n’amashuri kugira ngo bafatanye mu gufata ibyemezo bigamije gukuraho inzitizi mu myigire y’abana; ndetse hateganyijwe gushyiraho icyumba cy’ubujyanama ku mashuri (Career Guidance & Counselling Corners).

Ibi bikurikira ni byo  abanyeshuri bungukiye  muri gahunda nzamurabushobozi mu karere ka Rusizi:

 Ibyo abana bungutse                                                               

 

Ubusobanuro 

1. Gutsinda neza ibizamini bya LetaGahunda ya “nzamurabushobozi” igamije gukemura intege nke mu myigire, bikaba byashobora gutuma imyigire yabo irushaho kugenda neza ikanatera imbere.
2. Kongera ibikoresho n’imfashanyigishoAbanyeshuri bashobora kubona ibikoresho by’inyongera bifasha mu myigire, nka manuels, ibikoresho by’imyitozo, n’ibindi.
  1. Ubufasha bw’abarimu buhanitse
Abarimu bahugurwa mu buryo bw’impinduka mu myigishirize, hakarebwa uburyo bwo gufasha abanyeshuri bafite ibibazo mu masomo.
4. Kwiyongerera ubushobozi bwo kurushaho kwigaIcyumba cy’ubujyanama gishobora gufasha abanyeshuri kumenya imbogamizi mu myigire no kuzisubiza, banabonamo ubujyanama ku bijyanye n’imyigire n’imyuga.
5. Ubufatanye hagati y’ishuri n’ababyeyiAbabyeyi bafashwa kugira uruhare mu iterambere ry’umwana, bigatuma abanyeshuri bagira inkunga nyinshi mu myigire yabo.

Dusoza mu Karere ka Rusizi abana bitabiriye iyi gahunda neza kandi barakurikiranwa umunsi ku wundi ku buryo abana bose bayitabiriye bazimuka bakabasha kujya mu mwaka ukurikiyeho.

Serivisi zitangwa mu ishami ry'uburezi

  • Gusaba uruhushya rwo gufungura ikigo cy’amashuri
  • Gusaba guhindurirwa ikigo cy’ishuri
  • Gusaba akazi k’ubwarimu
  • Gusaba inkunga y’uburezi
  • Icyemezo cyo kuba warize gusoma no kwandika
  • Kwakira abakeneye amakuru kw’ibarurishamibare ry'uburezi

Kanda hano urebe inyandiko irambuye kuri serivisi zitangwa  mu ishami ry'uburezi